هذا ما يتبعه الدكتور المحترم عصام شرف كمنهجاً لسياسته منذ تولى رئاسة الوزراء .. كل ما يهمه أن يعيد لمصر دورها العربى والافريقى والدولى
ماقلناش حاجة بس ننضف البيت الاول ونظبطه وبعدين نرش مية قدام الدار
ما ينفعش اسيب البلطجية سواء من البلطجية أومن أفراد الشرطة بيبرطعوا فى البلد ووزيرهم خيال مآته لا بيهش ولا بينش واجرى على برة اشوف الدولة دى والدولة دى يمكن نشحت منهم كام ميلون ولا كام مليار .. ما ينفعش أسيب أزمة السولار فى البلد وأروح أدور على إستثمارات خارجية اجيبها لجوه .. طب اظبط جوه الأول يا دكتور عصام .. ما ينفعش أسيب مشكلة الاجور فى مصر لواحد زى وزير المالية اللى مجنن الناس وكل يوم بكلمة وكل يوم برأى وكل يوم طالع علينا بطلته البهية كعب داير من قناة لقناة ومن برنامج لبرنامج عشان يقول اراءه المالية .. فين أفعاله ؟؟ فين مكتبه فى الوزارة ؟؟ ما بيعقدش فى مكتبه فى الوزارة يشوف دراسات الجدوى ويشوف حلول للأزمات ليه ؟؟ ووزير السياحة منير فخرى كرم الله وجهه فين شغله ؟؟ عمل ايه عشان يقنع السواح يرجعوا مصر تانى ؟؟ ما اجتمعش ليه مع وزير الداخلية وشافولهم حل للمصيبة اللى بلد فيها دى ؟؟ وزير التعليم فين ؟؟ فين سياسات التعليم الجديدة ؟؟ما سمعناش حسه من يوم ما مسك الوزارة .. دة انا حتى مش فاكرة اسمه
وزير القوى ما اعلنش ليه عن اى مشروع تتبناه الدولة ويشتغل فيه كام ألف عاطل من الشباب اللى قاعدين على القهاوى والفيس بوك؟؟
يا دكتور عصام .. المثل بيقول "رجل إن دارت عارت " كِن شوية فى البيت الله يخليك يا دكتور .. شوف جوه شوية قبل برة .. العناكب معششة فى اركان الدار وحضرتك عمال ترش مية برة .. ما ينفعش كدة خالص على فكرة
وبرضه ما ينفعش تبدى مشروع زويل للتكنولوجيا على موضوع الداخلية للأمن والاستقرار وعلى موضوع السولار لأكل العيش وعلى موضوع السياحة لتشغيل العاطلين .. ارجوك يا دكتور نظم أولويات البلد .. انت مش رئيس دولة ولا وزير خارجية .. هم دول اللى يلفوا ويبرموا برة .. انت رئيس وزراء يعنى المدير بتاع الوزرا .. لازم تسأل عن شغلهم يوميا ولازم كل وزير يقدم تقرير باللى اشتغله يوميا احنا فى فترة حرجة .. الخوف والرعب اللى هم فيه دة ما ينفعش لازم يشتغلوا بأقصى جهد ومش بس بأقصى جهد لازم كمان الناس تحس بشغلهم دة .. الحكاية مش بس تقارير وسياسات .. لازم ارض واقع
انا لو فتحت فى الكلام عن اوضاع البلد مش هانخلص .. بس لما حضرتك بتبرم برة البلد أمال فين وزير الخارجية بتاعك ؟؟؟
الأربعاء، 1 يونيو 2011
إبن الريس
منذ حوالى سنة شاهدت حلقة من حلقات برنامج عمرو أديب وكان يناقش فيها بعض الامثلة الشعبية الموجودة فى كتاب الأمثال العامية لاحمد تيمور باشا
حتى وصل لاحد الامثل وابدا لم يستطع أن يقوله على الهواء .. خاف على نفسه .. وجبت الكتاب وفتحته وقريته وعرفت المثل
المثل بيقول : " إبن الريس تُقل على المركب وفَنا على الخُبزة "
والمثل هنا قديم بيتكلم على ابن ريس المركب اللى لا ليه شغلة ولا مشغلة غير ان وجوده فى المركب لا فائدة منه لأنه مدلل بمكانة أبيه فلا يعين الملاحين بعمل فما هو إلا عن زيادة ثقل على الاحمال وفناء للمؤؤنة لأنه يأكل منها يعنى لا منه بيساعد ولا منه بيوفر
وطبعا المثل ينطق بالمللى على جمال وعلاء مبارك اللى كانوا فعلا تُقل على المركب وفناء للزاد .. أولاد الريس وأمهم وأبوهم غرقوا المركب
وليس لنا إلا الله ندعوه أن ينقذ هذا المركب مرة أخرى لتقوم من غُرقتها وتسير بآمان فى بحر الحياه متلاطم الاجواء
حتى وصل لاحد الامثل وابدا لم يستطع أن يقوله على الهواء .. خاف على نفسه .. وجبت الكتاب وفتحته وقريته وعرفت المثل
المثل بيقول : " إبن الريس تُقل على المركب وفَنا على الخُبزة "
والمثل هنا قديم بيتكلم على ابن ريس المركب اللى لا ليه شغلة ولا مشغلة غير ان وجوده فى المركب لا فائدة منه لأنه مدلل بمكانة أبيه فلا يعين الملاحين بعمل فما هو إلا عن زيادة ثقل على الاحمال وفناء للمؤؤنة لأنه يأكل منها يعنى لا منه بيساعد ولا منه بيوفر
وطبعا المثل ينطق بالمللى على جمال وعلاء مبارك اللى كانوا فعلا تُقل على المركب وفناء للزاد .. أولاد الريس وأمهم وأبوهم غرقوا المركب
وليس لنا إلا الله ندعوه أن ينقذ هذا المركب مرة أخرى لتقوم من غُرقتها وتسير بآمان فى بحر الحياه متلاطم الاجواء
علم فى المتبلم
هذه الصورة هى لورقة إمتحان مادة التربية الفنية ( الرسم يعنى - لان وزارة التربية وتالعليم اختصرت الفن كله فى الرسم والرسم فقط )ما علينا .. الورقة الامتحان هذه فى منطقة شمال سيناء فى العريش وتحديدا مدرسة العريش الثانوية للبنين والامتحان كان للصف الاول الثانوى فالطالب هنا ليس طفلا الطالب هنا فى هذه المرحلة العمرية ما هو إلا مبادىء رجل .. الامتحان كما هو واضح كان سنة 2005 إمتحان نهاية العام يعنى تقريبا شهر مايو 2005 وبعد هذا التاريخ بأربعة أشهر كانت ستجرى الانتخابات الرئاسية .. فإذا بالممتحن ( الذى هو ملكى أكثر من الملك نفسه) يوجه الطلبة يوجه للطلبة مقدمة لابد منها ليشرح لهم ما هو موضوع الامتحان وللوهلة الاولى عندما تقرأ هذا المقال تشعر أن ممتاز القط الشهير بإكسلانت نياونياو هو كاتب هذه المقدمة لم يكن ينقص المقدمة إلا طشة الملوخية فقط .. وساحاول هنا تفنيد كلمات المقدمة المستفذة جدا بالنسبة لى شخصيا
اول جملة فى المقدمة " تشهد الايام القليلة القادمة منعطف خطير فى مصر " وهذا هو أول الغيث حيث يشعر القارىء لهذه الجملة بأن تغيير مبارك سيكون خطراً على مصر .. آدى اول كارت إرهاب . وتستكمل الجملة تمهيداً للدخول فى سيرة مبارك "حيث الرؤية المستقبلية للشعب المصرى لتحديد الاهداف والأولوليات لتحسين حياة الفرد" هذه الجملة كانت مقدمة لابد منها لمدح مبارك وانجازاته .. ثم يبدأ الممتحن فى تعديد إنجازات مبارك وخيره اللى مغرق بيه الشعب كالاتى : " الرئيس حسنى مبارك قائد له تاريخ مستمر وأستطاع أن ينقل مصر نقلات حضارية فى الاقتصاد والسياسة والتعليم والثقافة والزراعة والاستقرار والامان وحرص على عدم المساس بأصحاب الدخل المحدود وسعى لتحسين أحوال المعيشة ووضع خطط خمسية متتاليه لإزدهار التنمية وحرص على إقامة مدن جديدة ومشروعات ضخمة ( توشكى - شرق العوينات - ترعة السلام ) لرفع معيشة أبناء الوطن "
لحد هنا وممكن نبلع الكلام اللى يوقف فى الزور ولن أفند هنا كلمة كلمة ولأتى بما هو ضدها فليس هذا هو مجال الحديث ولا هى شجاعة ولا شطارة إنى أتكلم عن مبارك وإنجازاته بعدما خُلع وأصبح فى موقف لا يستطيع فيه أن يقفشنى من رقبتى ويرمينى فى أقرب معتقل . فقط نقلت الكام سطر دول عشان نوصل للزغول الكبير بقى الذى تختتم به مقدمة الامتحان حيث كتب الممتحن : " فلا يحتاج الرئيس لدعاية إنتخابية والكل سيقول كلمته (نعم) يوم الانتخابات للرئيس مبارك "
لنا هنا وقفة بعد كل المقدمة مستفزة تأتى النهاية لنعرف ان المقصود من هذا الامتحان هو ان نقول لمبارك نعم فى إنتخابات 2005 بصرف النظر عن من كان مرشحا امامه لأول مرة فى تاريخ مصر.. الممتحن المحترم غض النظر تماما عن الموضوع الاساسى وهو أن هذه هى أول مرة يتم ترشيح أكثر من مرشح فى الانتخابات الرئاسية المصرية وكل ما تفتق به ذهنه كان أن الكل سيقو نعم وان مبارك لا يحتاج لدعاية وأن وان .. إلخ
نأتى الآن لسؤال الامتحان :
عبر بقلمك وألوانك عن :
1- مشهد من مشاهد التأييد الإنتخابى للرئيس مبارك فى الشوارع أو داخل اللجان الانتخابية
2- مشهد من مشاهد الإصلاح والخدمات فى مصر على يد الرئيس مبارك
ثانيا التصميم الإبتكارى :
صمم شعار تأييد للرئيس مبارك فى الإنتخابات القادمة مستخدماً الرموز المناسبة على أن تكتب عبارة ( نعم لمبارك ) داخل التصميم .
نأتى الآن لسؤال الامتحان :
عبر بقلمك وألوانك عن :
1- مشهد من مشاهد التأييد الإنتخابى للرئيس مبارك فى الشوارع أو داخل اللجان الانتخابية
2- مشهد من مشاهد الإصلاح والخدمات فى مصر على يد الرئيس مبارك
ثانيا التصميم الإبتكارى :
صمم شعار تأييد للرئيس مبارك فى الإنتخابات القادمة مستخدماً الرموز المناسبة على أن تكتب عبارة ( نعم لمبارك ) داخل التصميم .
إلى هنا وإنتهى الإمتحان ولكن لم تنتهى تربية الطالب على السمع والطاعة و قول كلمة نعم للقائد العظيم أيا كان من هو .. حتى لمن سوف يأتى بعد مبارك وأتوقع هذا العام أن يأتى نفس الأمتحان كما هو على أن يستبدل الممتحن الذى من المؤكد أنه ترقى فى السلم الوظيفى حتى وصل لدرجة وكيل أول وزارة على الأقل بعد هذا الامتحان المبدع .. أتوقع أن يستبدل الممتحن كلمة مبارك بكلمة المجلس الأعلى للقوات المسلحة وعلى الطالب أن يصمم شعار تأييد للمجلس الأعلى للقوات المسلحة للبقاء فى حكم مصر أبد الدهر حيث أننا لن نجد من هو أأمن منه على أمن الوطن والمواطن (وآديكوا شايفين الجيوش حوالينا بيعملوا إيه فى شعوبهم )
وأنا أقرأ هذه الورقة تخيلت أن هذه الورقة صدرت من وزراة الداخلية وتحديداً من أمن الدولة وعُممت على جميع مدارس الجمهورية وربما الكليات أيضا
وأنا أقرأ هذه الورقة تخيلت أن هذه الورقة صدرت من وزراة الداخلية وتحديداً من أمن الدولة وعُممت على جميع مدارس الجمهورية وربما الكليات أيضا
ألا يكفى تدنى التعليم المصرى للدرجة التى توصل مهندسة خريجة جامعية من عشر سنوات أن تكتب فى كل كلامها السين صاد والصاد سين ؟؟
ألا يكفى تدنى التعليم للدرجة التى تجعلك إذا سألت أى طالب فى أى مرحلة عن أى موضوع إمتحن فيه من أسبوع واحد يكون الرد الأول والبديهى لهذا الطالب :" يوووه هو انا فاكر بقى .. انا دلقت الكلمتين اللى حافظهم ونسيت كل حاجة بعد كدة "
كمان جايين نقضى تماماً على شخصية طالب الثانوى حتى فى التفكير فى أن يقول نعم أو لا .. نقضى عليه تماما حتى فى أن يتردد فى إتخاذ القرار ما بين القرار الصواب والخطأ ونقرر له ما ينبغى أن يقوله وما ينبغى له أن يفكر فيه ؟؟ وعلى رأى اللى قال :" الله يرحم ايامك يا مبارك كنت مريحنا ومهنينا لا بننزل نقف فى طوابير بالساعت عشان الاستفتاء على الدستور ولا بننزل ننتخب عضو مجلس شعب ولا بننزل ننتخب رئيس جمهورية .. كنت أب بمعنى الكلمة مريحنا وخايف علينا من الشمس وعارف مصلحتنا فين وبتخلص اول بأول "
ألا يكفى تشوية مناهج التاريخ كله ليكتب على مزاج صاحب المحل ؟؟ ألم تكتفى وزارة التعليم بتشويه الماضى ومازالت تصر على تشويه الحاضر والمستقبل ؟؟
ألا يكفى تدنى التعليم للدرجة التى تجعلك إذا سألت أى طالب فى أى مرحلة عن أى موضوع إمتحن فيه من أسبوع واحد يكون الرد الأول والبديهى لهذا الطالب :" يوووه هو انا فاكر بقى .. انا دلقت الكلمتين اللى حافظهم ونسيت كل حاجة بعد كدة "
كمان جايين نقضى تماماً على شخصية طالب الثانوى حتى فى التفكير فى أن يقول نعم أو لا .. نقضى عليه تماما حتى فى أن يتردد فى إتخاذ القرار ما بين القرار الصواب والخطأ ونقرر له ما ينبغى أن يقوله وما ينبغى له أن يفكر فيه ؟؟ وعلى رأى اللى قال :" الله يرحم ايامك يا مبارك كنت مريحنا ومهنينا لا بننزل نقف فى طوابير بالساعت عشان الاستفتاء على الدستور ولا بننزل ننتخب عضو مجلس شعب ولا بننزل ننتخب رئيس جمهورية .. كنت أب بمعنى الكلمة مريحنا وخايف علينا من الشمس وعارف مصلحتنا فين وبتخلص اول بأول "
ألا يكفى تشوية مناهج التاريخ كله ليكتب على مزاج صاحب المحل ؟؟ ألم تكتفى وزارة التعليم بتشويه الماضى ومازالت تصر على تشويه الحاضر والمستقبل ؟؟
وأرجو ألا يطالعنى أحد قائلا انتى بتتكلمى ليه فى العهد البائد ؟؟ نحن الآن فى عهد ما بعد الثورة وكله تمام وكل حاجة هاتبقى ميت فل واربعتاشر .. التعليم ها يبقى جميل والصحة والزراعة وكل حاجة هاتتصلح بس نصبر شوية
موافقة إننا نصبر لما يكون فيه أمل .. لكن أن تبادر وزارة التعليم بحذف مبارك وحزبه الوطنى من المناهج بمجرد قيام الثورة وحتى قبل أن يبدأ العام الجديد على طريقة عاش الملك مات الملك .. فأعتقد أنه لا أمل فى تحسين التعليم المصرى قريباً وعلى مدى العشر سنوات القادمة على أفضل تقدير .. التعليم فى مصر ليس فقط فساد كما فى كل الدولة من أقصاها إلى أقصاها .. التعليم فى مصر سياسة تعتمد على وأد كل ما هوعلمى وكل ما هو مفيد وكل ما هو صالح ليخرج الطالب بعد أن قضى أكثر من 20 عاماً فى تعلم ما لا يفيد بل بالعكس تعلم ما يضره هو شخصياً ومن حوله فأصبح ال40% الأميين فى مصر يضاف إليهم 40% تانيين متعلمين أو المفروض إنهم متعلمين ولا يبقى لهذه البلد على أفضل تقدير إلا عشرين فى المية فقط من طاقتها البشرية هم من يُعمِلون عقلهم ويفكرون .. وأكبر دليل على هذا هم من خرجوا فى الميادين المصرية ليثوروا على نظام مبارك وحكمة فقد قدر عددهم ب 8 مليون مواطن أى تقريبا 10 % من إجمالى تعداد الشعب .. شىء يدعو للقلق الشديد على حاضر ومستقبل هذا الوطن الذى أعشقه وأعشق ترابه قبل اهله وأعتقد ان عشقى هذا كعشق كثير من المصريين ليس وطنية إنما هو نوع من النوستالجيا ليس إلا .. فلم أقطع تذكرة طيران وأنزل من البحرين لأشارك فى الثورة كما فعل كثير من المغتربين .. فقط فعلت مثلما فعل كثير من المصريين على طريقة نانسى عجرم " نتعاطف آه ننزل التحرير لأ" .. ولو أننى كنت أملك قرارى بنفسى لكنت نزلت مصر على أول طيارة .. لكن قدر الله وماشاء فعل .
موافقة إننا نصبر لما يكون فيه أمل .. لكن أن تبادر وزارة التعليم بحذف مبارك وحزبه الوطنى من المناهج بمجرد قيام الثورة وحتى قبل أن يبدأ العام الجديد على طريقة عاش الملك مات الملك .. فأعتقد أنه لا أمل فى تحسين التعليم المصرى قريباً وعلى مدى العشر سنوات القادمة على أفضل تقدير .. التعليم فى مصر ليس فقط فساد كما فى كل الدولة من أقصاها إلى أقصاها .. التعليم فى مصر سياسة تعتمد على وأد كل ما هوعلمى وكل ما هو مفيد وكل ما هو صالح ليخرج الطالب بعد أن قضى أكثر من 20 عاماً فى تعلم ما لا يفيد بل بالعكس تعلم ما يضره هو شخصياً ومن حوله فأصبح ال40% الأميين فى مصر يضاف إليهم 40% تانيين متعلمين أو المفروض إنهم متعلمين ولا يبقى لهذه البلد على أفضل تقدير إلا عشرين فى المية فقط من طاقتها البشرية هم من يُعمِلون عقلهم ويفكرون .. وأكبر دليل على هذا هم من خرجوا فى الميادين المصرية ليثوروا على نظام مبارك وحكمة فقد قدر عددهم ب 8 مليون مواطن أى تقريبا 10 % من إجمالى تعداد الشعب .. شىء يدعو للقلق الشديد على حاضر ومستقبل هذا الوطن الذى أعشقه وأعشق ترابه قبل اهله وأعتقد ان عشقى هذا كعشق كثير من المصريين ليس وطنية إنما هو نوع من النوستالجيا ليس إلا .. فلم أقطع تذكرة طيران وأنزل من البحرين لأشارك فى الثورة كما فعل كثير من المغتربين .. فقط فعلت مثلما فعل كثير من المصريين على طريقة نانسى عجرم " نتعاطف آه ننزل التحرير لأ" .. ولو أننى كنت أملك قرارى بنفسى لكنت نزلت مصر على أول طيارة .. لكن قدر الله وماشاء فعل .
أعود للتعليم اللى ما يعلم به إلا الحكيم العليم وأرجو من رئيس وزارء مصر أن يستقدم لنا مناهج من الخارج .. مش عيب على فكرة ماهو كل حاجة بنجيبها من الخارج .. إيه المشكلة إننا نطبق مناهج التعليم البريطانية او الالمانية او حتى الهندية .. كلها مناهج تعليم محترمة جدا وتخاطب عقول الطلاب .. أرجو من الله ولا يكتر على الله إن كلامى دة يوصل للدكتور عصام او من يهمه الامر او من بيده الامر .. ولله الأمر من قبل ومن بعد .. اللهم بلغت اللهم فاشهد
الثلاثاء، 31 مايو 2011
المهرجان السنوى
أفقتد مدونتى جداً وحشتنى أوى ووحشنى القاعدة فيها واللف على المدونات وقراءة ما تجود به أمخاخهم ..فترة كبيرة قضيتها بعيداً عن المدونة منها ما هو غجبارى ومنا ما هو إختيارى .. بعيدة عن المدونة إنما مش بعيدة اوى عن التدوين الفيس بوك برضه قايم بالواجب .. بس مش عارفة ليه المدونة ليها إحساس تانى !!
عرفت بالمصادفة بمهرجان الموسم السنوى للتدوين واللى بيجى من السنة للسنة شهر كامل ندون فيه يومياً .. موضوع صعب مش سهل إنك تكتب تدوينة كل يوم .. هحاول وربنا يقدرنى .. لأنى حابة أرجع أدون تانى .. إنهاردة بس جاية انضف المدونة وافتح الشبابيك واهويها وازعفها تلاقى العناكب معششة فيها من قلة دخولى فيها .. وبكرة بإذن الله تعالى نرجع ندون تانى ..
ملحوظة صؤننة كدة على جنب : كل المدونين والمدونات وحشتوووووووونى اوى ووحشنتنى مدوناتكم وبدون ذكر أسماء فاتيما وخيخة وهمس الاحباب ودوبا وآبى ودودو وفضفض وبيلا وحفيدة عرابى ونيجرو واسكندرانى ومراكبى وإنسانة وجنى وطيارة ورق وكل كل المدونين بدون ذكر أسماء :-).. وحشتنى مدوناتكم كلكم ولو إنى بقابل بعضكم على الفيس بوك بس برضه الجو التدوينى مختلف جدا
وغذاً بإذن الله .. لنا لقاء إن كان فى العمر بقية
عرفت بالمصادفة بمهرجان الموسم السنوى للتدوين واللى بيجى من السنة للسنة شهر كامل ندون فيه يومياً .. موضوع صعب مش سهل إنك تكتب تدوينة كل يوم .. هحاول وربنا يقدرنى .. لأنى حابة أرجع أدون تانى .. إنهاردة بس جاية انضف المدونة وافتح الشبابيك واهويها وازعفها تلاقى العناكب معششة فيها من قلة دخولى فيها .. وبكرة بإذن الله تعالى نرجع ندون تانى ..
ملحوظة صؤننة كدة على جنب : كل المدونين والمدونات وحشتوووووووونى اوى ووحشنتنى مدوناتكم وبدون ذكر أسماء فاتيما وخيخة وهمس الاحباب ودوبا وآبى ودودو وفضفض وبيلا وحفيدة عرابى ونيجرو واسكندرانى ومراكبى وإنسانة وجنى وطيارة ورق وكل كل المدونين بدون ذكر أسماء :-).. وحشتنى مدوناتكم كلكم ولو إنى بقابل بعضكم على الفيس بوك بس برضه الجو التدوينى مختلف جدا
وغذاً بإذن الله .. لنا لقاء إن كان فى العمر بقية
السبت، 12 فبراير 2011
فرحاً آل مصر .. إنه عهد النصر
مــصــر .. تييييييييت تريييييييت تيييييييت تيييييييييت .. مــصــر
مــصــر .. تييييييييت تريييييييت تيييييييت تيييييييييت .. مــصــر
مــصــر .. تييييييييت تريييييييت تيييييييت تيييييييييت .. مــصــر
الاشتراك في:
الرسائل (Atom)